Leviticus 22:1 ουοϩ α `πϭοις ςαϫι νεμ μωυςης εϥϫω `μμος

Leviticus 22:2 ϫε αϫος νααρων νεμ νεϥϣηρι ουοϩ μαρουϯϩθηου εβολ ϩα νη εθουαβ `ντε νενϣηρι `μπιςραηλ ουοϩ ννουςωϥ μφραν `ντε νη εθουαβ ντηι νη τηρου ετουναεραγιαζιν μμωου νηι ανοκ πε `πϭοις

Leviticus 22:3 αϫος νωου ϫε ϧεν νετενϫωου ρωμι νιβεν εβολ ϧεν πετενϫροϫ τηρϥ ετναι εϧουν ενη εθουαβ νη τηρου ετουνατουβωου `μ`πϭοις `νϫε νενϣηρι `μπιςραηλ ουοϩ πεϥϭωϧεμ εϥ εςεϥωϯ εβολ ϩαροι `νϫε ϯψυχη ετεμμαυ ανοκ πε `πϭοις

Leviticus 22:4 ουοϩ ουρωμι εβολ ϧεν πϫροϫ νααρων πιουηβ εϣωπ εϥοι νςεϩτ ιε εϥτελτελ ϫροϫ `ννεϥουωμ εβολ ϧεν νη εθουαβ ϣατε `ϥτουβο ουοϩ φη ετναϭι νεμ ϭωϧεμ νιβεν `ντε ουψυχη ιε ουρωμι φη ετε ουον ουϣαιρι νϫροϫ ναι εβολ `μμοϥ

Leviticus 22:5 ιε φη νιβεν ετναϭι νεμ ϭατϥι νιβεν εϥϭωϧεμ φη ετςωϥ `μμοϥ κατα ϭωϧεμ νιβεν νταϥ

Leviticus 22:6 ϯψυχη ετναϭι νεμαϥ εςεϣωπι εςϭαϧεμ ϣα φναυ `νϩαναρουϩι `ννεϥουωμ εβολ ϧεν νη εθουαβ εϣωπ αϥϣτεμϫωκεμ `μπεϥςωμα ϧεν ουμωου

Leviticus 22:7 ουοϩ `ντε `φρη ϩωτπ ουοϩ εϥεϣωπι ε `ϥτουβηουτ ουοϩ τοτε εϥεουωμ εβολ ϧεν νη εθουαβ ϫε ουηι ουερι νταϥ πε

Leviticus 22:8 ουοϩ πετμωουτ νεμ νιουωμ νθηριον `ννεϥουομου ϫε `ννεϥϭωϧεμ νϧητου ανοκ πε `πϭοις

Leviticus 22:9 ουοϩ ευεαρεϩ εναϫιναρεϩ ϩινα ντουϣτεμϭι νοβι εθβητου ουοϩ ντουμου εθβητου εϣωπ ντουςοϥου ϫε ανοκ πε `πϭοις φη ετεραγιαζιν μμωου

Leviticus 22:10 ουοϩ ϣεμμο νιβεν `ννεϥουωμ εβολ ϧεν νη εθουαβ ουοϩ ουρεμνϫωιλι `ντε ουουηβ ιε ουρεμβεχε `ννεϥουωμ εβολ ϧεν νη εθουαβ

Leviticus 22:11 ουοϩ εϣωπ αρεϣαν ουουηβ ϣωπ `νουψυχη ϧα ϩατ φαι εϥεουωμ εβολ ϧεν νεϥωικ νεμ νεϥμεςϧενηι ναι ϩωου ευεουωμ εβολ ϧεν νεϥωικ

Leviticus 22:12 ουοϩ ουϣερι `ντε ουρωμι `νουηβ εϣωπ αςϣανϣωπι νεμ ουϩαι ναλλογενης θαι `ννεςουωμ εβολ ϧεν νιαπαρχη εθουαβ

Leviticus 22:13 ουοϩ ουϣερι `ντε ουουηβ αςϣανερχηρα ιε εαυϩιτς εβολ εϣτεμερε ϫροϫ ϣωπι νας εςεκοτς επηι `ντε πεςιωτ κατα τεςμεταλου εςεουωμ εβολ ϧεν νιωικ `ντε πεςιωτ ουοϩ αλλογενης νιβεν `ννεϥουωμ εβολ μμωου

Leviticus 22:14 `φρωμι ετναουωμ εβολ ϧεν νη εθουαβ νϥεμι αν ουοϩ εϥετουϩο εϫωϥ `νουτερε5. νταϥ ουοϩ εϥεϯ `μπεθουαβ `μπιουηβ

Leviticus 22:15 ουοϩ ννουςωϥ ννη εθουαβ `ντε νενϣηρι `μπιςραηλ νη νθωου ετουφωρϫ μμωου `μ`πϭοις

Leviticus 22:16 ουοϩ ευεινι εϫωου `νουανομια `ντε ουμετϣαϥτ ϧεν `πϫινθρουουωμ ννη εθουαβ ντωου ανοκ πε `πϭοις πεττουβο μμωου

Leviticus 22:17 ουοϩ α `πϭοις ςαϫι νεμ μωυςης εϥϫω `μμος

Leviticus 22:18 ϫε ςαϫι νεμ ααρων νεμ νεϥϣηρι νεμ ϯςυναγωγη τηρς `ντε πιςραηλ ουοϩ εκεϫος νωου ϫε `φρωμι `φρωμι εβολ ϧεν νενϣηρι `μπιςραηλ ιε εβολ ϧεν νιϣεμμωου ετϧεν πιςραηλ φη ετναινι `ννεϥδωρον εϧουν κατα ουομολογια νιβεν ντωου ιε κατα ουωϣ `νϩητ νιβεν ντωου νη τηρου ετουναενου εϧουν `μ`πϭοις ευϭλιλ νϫοϥϫεϥ

Leviticus 22:19 ευϣηπ νωτεν ϩανϩωουτ `ναταϭνι εβολ ϧεν ϩανεϩωου νεμ εβολ ϧεν νιεςωου νεμ εβολ ϧεν νιβαμπι

Leviticus 22:20 τηρου ετε ουον αϭνι νϧητου ννουενου εϩρηι `μ`πϭοις ϫε ουηι γαρ ςεϣηπ νωτεν αν

Leviticus 22:21 ουοϩ `φρωμι ετναινι εϧουν `νουϣουϣωουϣι ννοϩεμ `μ`πϭοις εαϥουετ ουευχη εβολ ιε κατα ουωϣ `νϩητ ιε ϧεν νετενϣαι εβολ ϧεν νιεϩωου ιε εβολ ϧεν νιεςωου `μμον αϭνι νϧητου ϫε `ντεϥϣωπι εϥϣηπ αϭνι νιβεν `ννεϥϣωπι νϧητϥ

Leviticus 22:22 ουβελλε ιε ουαι εϥϧεμϧωμ ιε ερε πεϥλας ϣατ ιε εϥθουθου ιε εϥοι `νϫερϫι ναγριον ιε εουον ϩανμεϣφωνι ϩιωτϥ ναι `μπαιρηϯ ννουενου εϩρηι `μ`πϭοις ουοϩ `ννετενϯ εβολ μμωου εϫεν πιμανερϣωουϣι ευουταϩ εϥϣηπ `μ`πϭοις

Leviticus 22:23 ουοϩ ουμαςι ιε ουεςωου ερε πουμαϣϫ ϫηϫι εβολ ιε εϥςβοκ νςητ ναι ερετενεϧελϧωλου νωτεν `ννετενενου δε εϩρηι `νουευχη ϫε νςεϣηπ αν

Leviticus 22:24 φη ετλας `ννεϥαλ ιε φη εταυϩοϫϩεϫ ννουϥ νεμ φη εταυϣετ `νουϥ εβολ νεμ φη εταυθεκεμ `νουϥ εβολ `ννετενενου εϧουν `μ`πϭοις ουοϩ `ννετενθαμιο `νϩανουον `μπαιρηϯ ϩιϫεν πετενκαϩι

Leviticus 22:25 ουοϩ εβολ ϧεν τϫιϫ `νουαλλογενης `ννετενινι `ννιδωρον `ντε πετεννουϯ εβολ ϧεν ναι τηρου ϫε ϩαντακο ετε νϧητου ουον αϭνι νϧητου ςεϣηπ νωτεν αν

Leviticus 22:26 ουοϩ α `πϭοις ςαϫι νεμ μωυςης εϥϫω `μμος

Leviticus 22:27 ϫε ουμαςι ιε ουεςωου ιε ουβαμπι εϣωπ αυϣανμαςου ουοϩ ντουερ 7 `νὲϩοου ϧαρατς ντουμαυ ϧεν πιεϩοου δε `μμαϩ 8. νεμ νη ετνηου ευεενου εϩρηι νταιο ευουταϩ εϥϣηπ `μ`πϭοις

Leviticus 22:28 ουοϩ ουεϩε νεμ ουεςωου νθος νεμ νεϥϣηρι `ννετενϧελϧωλου ϧεν ουεϩοου `νουωτ

Leviticus 22:29 εϣωπ δε εκναϣωτ `νουϣουϣωουϣι `νουευχη `ντε ουραϣι `μ`πϭοις ερετενεϣατϥ εϥϣηπ νωτεν

Leviticus 22:30 ευεουομϥ ϧεν πιεϩοου ετεμμαυ ουοϩ `ννετενςωϫπ εβολ ϧεν νεϥαϥουι επεϥτοουι ανοκ πε `πϭοις

Leviticus 22:31 ουοϩ ερετενεαρεϩ εναεντολη ουοϩ ερετενεαιτου ανοκ πε `πϭοις

Leviticus 22:32 ουοϩ `ννετενςεϥ `φραν `μπεθουαβ ουοϩ ειετουβο ϧεν θμηϯ `ννενϣηρι `μπιςραηλ ανοκ πε `πϭοις πεττουβο μμωτεν

Leviticus 22:33 εαιεν θηνου εβολ ϧεν `πκαϩι `νχημι ϫε νταϣωπι ννουϯ ανοκ πε `πϭοις